搜索
 

广州话:呢4种蛇,所有广东人都识!

 二维码 41

两头蛇




图片



【释义】形容两面三刀,搬弄是非嘅人。


【出处】广府人通常所讲“两头蛇”其实系一种长约长30-60厘米嘅蛇仔。呢种蛇尾部嘅形状、花纹都同头部非常相似,而且呢种蛇经常倒着爬行,以便受攻击嘅时候用头部反击。


【例句】你唔好睇佢外表好正人君子咁呀,其实佢系两头蛇嚟嘅,小心佢会同老世告状呀。


软皮蛇




图片

【释义】广府人用呢个词嚟讽刺冇斗志、懒散嘅人。


【出处】查实“软皮蛇”系指蛇脱皮时嘅状态,蛇喺脱皮嘅时候会将旧皮变软,便于脱皮,而喺脱皮前嘅十日八日,蛇都系唔会活动嘅。


【例句】好心你就改下你啲坏习惯喇,话嚟话去都系咁,正一软皮蛇呀。


蛇quare




图片

【释义】蛇quare”呢个词喺粤语里头系形容人细胆、怕事嘅意思。


【出处】“蛇quare”个“quare”字点解会用英文?查实呢个词系进口嘢嚟嘅。“蛇quare”源于英文suare,suare的意思是惊吓、恐惧。


【例句】堂堂一个大男人,好心你就咪鬼咁蛇quare啦


精过冇尾蛇




图片

【释义】喺粤语里头有句说话叫“精过冇尾蛇”,系形容嗰啲机警聪明嘅人,同时,呢句话亦都可以形容嗰啲狡猾嘅人。


【出处】广府人所讲嘅“冇尾蛇”,查实就系“壁虎”(广府话:“檐蛇”或者“四脚蛇”)。壁虎喺受到攻击嘅时候自断尾巴逃生(等于系放出诱饵迷惑敌人而取得逃生嘅时间、机会),喺动物界呢种行为已经算系比较机警、狡猾喇。既然系“精过冇尾蛇”,可见被形容嘅人系非一般嘅机警(狡猾)。


【例句】你想搵佢笨简直就系难过登天呀,佢精过冇尾蛇呀。


除咗上面提到嘅关于“蛇”嘅粤语俚语之外,仲有“蛇王(偷懒)”、“蛇鼠一窝(狼狈为奸)”、“蛇头鼠眼(贼眉贼眼)”等等








来源:粤动态                                                           广州轩明文化发展有限公司 提供